Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

Column het Zwarte Schoap

En de hette duurt maar vedan

De vakanties bint begunnen. Inmiddels bint de buren vertrokken. Zie goat gen twei wekke maar vier moanden. Alle daage stuurt ze ons een berichtje en doardeur maak ik mie bes wal zorgen. Ik bin bange det ze deepe christelijk weer komt. Op zich niet verkeerd heur, maar in die anderhalve wekke det ze noe onderweg bint, hebt ze volgens mien al meer karken van binnen e zeene as in eur heele leaven. Klik hier voor het hele artikel

Helden bie de Grebbenbarg

Tien mei 1940, de Duutsers valt ons land binnen. Binnen ne dag stoat ze veur de achttiende eeuwse verdedigingslinie an den Grebbenbarg bie Rhenen. Zie wordt er drei daage tegen eholden deur de slecht bewapende Nederlanders. In die drei daage sneuvelt doar meer as 400 Nederlanders. Één van de oaverlevenden, Herman van Zee, kump uut Battem. Hij wont in die tied al op de Eikelhof bie Olst en is ingedeeld bie het 8e regiment infanterie. Van ziene ervaringen op 12 mei is een verslag bewaard ebleven. Hij vertelt dat ze opdracht kregen zich terug te trekken. Zie kwamen zwoar onder veur te liggen. Zien taak was het, um gewonden uut de veurlinie te halen. “Een van miene moaten was zo bange dat ik hem met een pistol in de hand heb gedwungen um met te goan. Tut twei keer touw is e trugge leupen. Mien andere moat was neet bange. Onder zwoar veur haalden wie, tut tien minuten vuur det wie gevangen worden enömmen, zwoargewonde kammereuie uut de veurlinie. Ééne hebbe wie der vôt ehaalt, onder an de Grebbenbarg. Det kon neet op ne brancard, umdet det de loopgraaven zig-zag leupen. Wie hebt hem vervoerd op een tentzeil”. Dit vehaal is bevestigd deur zien moat. Hij vertelt dat er gen dokters met gungen in de frontlinie. “Wie waren net terugge met een slachtoffer toen de deure lös worden gegooid. Bint er nog militairen, werd er ereupen en eaven later “Heraus”. “De Duutsers fouilleerden ons en de gewonden môssen noar buuten worden gebracht.” Of ter met granaten is egooit, det wus e neet, maar ne witte vlagge hef e neet ezeene. “Wie hebt zelfs gewonden veur de Duutsers môtten halen. Doarnoa worden wie of macheert noar Wageningen en veerder noar Arnhem. ’N àànderen dag gung ie wie in krijgsgevangenschap noar Duutsland.” (Oold Battum juni 2009)

Leve de vrijheid

Toearegs en Jihadisten stoat mekaa noar het leaven in Mali. Minstens veertig dooien. In Zuud Amerika een massagraf van 140 kinder en 200 lama’s, zo te zeen, 600 honderd joar geleden, op ne beestachtige meneere, geofferd an hogere machten, um better weer of te dwingen. In Nederland, angstige berichten uut den Haag, vanuut een religieus gebouw. Het is maar ne korte opsomming van gebuurtenissen, diet disse wekke het niejs haalden. Allemoale verschillende geleuven en culturen. Klik hier voor het hele artikel

Wit zwart, respekt, zwart wit

Altied as ie deur het darp hen gingen, altied was hij al doar. Iedereene kennen hem en zeker as ie bie ABS regelmoatig kwammen buurten. Ook de jongeren uut de plaatsen in de umtrek kwamen hem in de joaren zestig en zeuventig al tegen bie Boode, woar hij keurig de biertjes rond brach, zodat ie wat meer mood kreegen bie het vrouwvolk.

Klik hier voor het hele artikel

Betaald voetbal

Het kleine manneke is zes joar geworden en sinds een moand of wat zit e op de voetbal. Netuurlijk heb ie as opa hem de allereerste beginselen bie gebracht. Noe spölt e met in de competitie. Het allermooiste is at det keerltje dan ne goal maakt. Ie geeft hem een eurootje en hij is ter blie met. Ie hadden hem net zo good een dubbeltje kunnen geven, alhoewel, hij leert snel. Hij is ter zelfs zo veer met dat e hoaste iedere wekke een doelpuntje maakt. Klik hier voor het hele artikel