Plan De Brink
Klik hier om de 3D animatie te bekijken

Column het Zwarte Schoap

Geliekspel

Hèèl netjes zit ie um half tweie kloar. Het vlaggeschip van Battum möt spöll’n tèèg’n de eeuwige rivaal’n uut Hoolt’n. Een lekker zunneke begeleidt ôôns noar de voot van den Hoolterbarg. Völle Battumse supporters hebt de weg noar Hoolten evund’n.

Lees verder

Verdreetig

Onwillekuurig lôôp ie der van tied tut tied an te dèènk’n. Vieftienduuzend, twintigduuzend en noe à meer dan drei en dartigduuzend dôôi’n!! Duuzelingwekkende antall’n en det kan zich de kômmende wekk’n nog wà verdubbeln. Of en touw wordt er nog een mèènse lèèmtig uut die onmetbare puunhèupe ehaalt, mà het wördt stiller en en stiller. Netuurlijk, iedern geredd’n is ter eene, mar inmiddels heiw we de beeld’n van onmettelijke antall’n slachtoffers diet, man an man, neust mekaa wordt begrèèm’n.

Lees verder

Machtig môôi

Netuurlijk, zô of en touw kiek ie de digitale wereld van het feesbook in. De nieje inrichting van ôônz’n Battemsen Brink. Nee, neet den film van ’n hèèl’n oamd, mà noar de inrichting zelf. Het zut er gelikt uut. Ie zeet oe zelf lôôp’n, van het Dijkhuis tut vuurbiej Boode.

Lees verder

Op noar Mirrewinter

Lekker vreezend weer. Het begint er op te liek’n. Nog een klèine twei wekke en dan biw we biej de Karsdaag’n. Wiej zölt ze wier beginn’n net as eerder. Twei joar môch het neet duur de corona, mà noe geet het wier gebuur’n. Karsoamd half vieve, de keerskesceremonie op ’n Hoolterbarg.

Lees verder

Kàànt in de warre

Ie snapt er toch niks van. De kômmende wekke tikke wiej november an. Mà zô gauw àj’ noar buut’n lôôpt, oavervölt oe een vuurjoarsgeveul. Het is moesstille op diss’n zundagmänn’n. Hèèl in de veert’n wördt die röste verstoord duur het eeuwige geluud van de A1. De zunne steet hôôge an de lôch en de temperatuur’n lôôpt à wier noar de twintig groad’n. Woe zo harfs, het grös greuit nog alle kàànt’n op. Toch maakt ôônz’n ôôld’n eek’n zich op vuur de winter.

Lees verder