Plan De Brink
Klik hier om de 3D animatie te bekijken

Beuke

Nee, gen beume disse keer, gewoon boeken. Van de wekke zat ik te kieken noar beelden van het grote boekenbal in Amsterdam. Van allerlei schrieversvolk kwam der oaver den rooien loper um met mekaa een gezellig feesje te bouwen. Det moet wie in Battum ok ne keer doen, moet ze gedacht hebben. Ja, det wis ie misschien nog niet, maar wie hebt in Battum ook geweldige schrievers. Doar zit er zelfs meerderen in Loo Battum en loat noe juust, dreie doarvan, op 17 meert beginnen met ne echte bookenpresentatie.Um 14.00 uur trapt ze of met een korte samenvatting van hun beuke, Mieke. Dienke en Babette. Doar is ook nog ne meugelijkheid um vroagen te stellen, of een getekend exemplaar te bemachtigen.Veerder vuur de rest verklap ik ter niks oaver. Ik denke dat ie der her en der nog wal wat oaver zult leazen. Ook al is het dan nog gen boekenbal, het wordt vaste gezellig in de nieje bibliotheek in Battum. Het eerste begin van een Battems boekenfestijn is ter en wie weet wat det vuur de volgende joaren nog zal geven. Dus alle kunsleefhebbers, niejsgierige leu en kultuurbarbaren, op noar de bibliotheek. Allemoale oaver de rooie loper, op noar de Battumse schrievers. Jammer genog zal ik disse editie missen umdet er opnames bint van de film “Mirrewinter op het platteland”, noar een boek van ne regionalen schriever uut Markelo, woet ze zo mar een film van maakt. Doar zit ze noe midden in de opnames en doar kan ik neet emist worden. Wie weet bint wie oaver een tiedje in Battum ook gangs met het verfilmen van één van disse beuke. Ie weet maar nooit. Loat oe disse presentatie neet goan mis goan, het begin van al weer iets niejs in Battum.