Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

De Heeren van Dorth

Natuurlijk, iedereene weet wel woar det is. Heel völle mensen uut de umgeeving zolt er wel is wat hebben gegeaten. Zelf kwam ik ter mee an het denken toen ik der langs reed en terugge vuurbie de Battumse tooren gung.

 

Zo langs mien neuze weg zei ik teegen mien kleinzoon “Doar liggen de ridders begraven.” Hij was direkt één en al oor en zien eerste vroag was; “Opa wat zijn ridders?” Dat worden een heel lang verhaal. Het bleef bie mie hangen, want ooit had mien al is eene verteld dat hij nog wust dat biej een verbouwing in 1929, zien olde buurman in de tombe was e wes. De ruumte is in 1939 of e sloot’n en det is maar goed ok. Het zag ter allemoal heel naargeestig en slof uut in die ruumte van viefe biej twee meter vieftig, met een heugte van één meter zeuventig. Het hoolt um de looden kisten was heelemoal verteerd en het lood’n omhulsel was in mekaar e zakt. Ik kan oe niet beloaven det het allemoale precies klopt. Het schient dat er ongeveer tien persoon’n ligt te rösten. Wiet det allemoale bint hebt ze mie niet verteld. Zeker is het, det de leste Heer uut het Huus van Dorth, Derk en zien vrouwe Johanna van Vianen der begreaven ligt. Hij hef de tombe loaten bouwen in1620 en is ter bie e zet in 1624. Dit heb ik de kleine jonge niet allemaal verteld. Hij vertelden diezelfde oavond an zien mamma een verhaal oaver ridders diet in de hemel waren. Eerlijk is eerlijk, een mooier verhaal toch?

Het zwarte schaop