Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

Van Hermien noar Carlijn

Lettele kan der maar niet genog van kriegen. Wekkenlang waren ze in het niejs met superkoe Hermien, diet as ne dollen stier deur de bossen van het Oostermoat denderen. Zie haalden der gen medaille met, alleen het landelijke niejs. Inmiddels zit Hermien met eur zuster in een rusthuus. Kon het het eindelijk, as vanolds, rustig worden in het rustieke Lettele, haalt ze in één keer weer alle landelijke dagbladen met de denderende golden rit van Carlijn Achtereekte. Olympisch kampioen op de 3000 meter.Weer zag ie de landelijke reportagewagens oaver Oerdiek racen. Lettele weer helemoale op zien kop en het einde is nog lange niet in zicht. Iedereene maakt zich drôk oaver de huldiging. Hoppelijk det Carlijn noe volop geniet van eur golden plakke. Zo gauw at ze weer thuus is kan heel Nederland met genieten van de Lettelse blondine. Netuurlijk, de eerste huldiging, gewoon op de platte wagen in Lettele. Volop genieten van de dorpsgenoten, diet terecht, zo akelig greuts op eur bint. Dan komt de andere notabelen an de buurte. Zie zal der wal niet onderuut kommen en de diverse onderscheidingen her en der in het land in ontvangst mogen nemmen, maar de terugkomst in de plaats woer ie geboren en getogen bint, zal het allermooiste weazen. Vanof de ziedkante kunt al die honderdduuzend mensen uut onze gemeente Deaventer en umstreken metgenieten. Vanof noe is zie de beroemdste Lettelenaar van de wereld en zie zet eur, noar dit geweldige succes, gelukkig niet in een rusthuus. Hermien kan op zien lauweren goan rusten, maar Carlijn weet noe wat ze kan en en doar zult in de toekomst vaste nog wel meer huldigingen kommen in Lettele. Belangriek is blieft genieten, blieft lachen. Wie blieft oe volgen.