Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

Vieftienhonderd twei en veertig

Het is een heele tied geleden, zelf bin ik er niet bie gewest. Ma wat zölt de leu schik hebben e had, doar an den voot van den olden Battumsen Tooren. Ja, den was ter bie, op de allereerste Battumse Karmse. Veerder waarschijnlijk niet meer as een hand vol boeren en ambachtsluiden.

Misschien det de Heeren van Dorth nog eaven bint weezen kieken of Unico van Ripperda van Arckelsteyn. Die jongens hielden wa van een feesje. Bekend is ôk wel dat de Battummers zich niet onbetuugd lieten. An grote lange holten schragen zatten zie te feesten. Zô veul kermisattracties waren der ôk niet, hooguut een zanger en een kwakzalver. Ma sinds die tied hebt ze de smaak goed te pakken. Tut op den dag van vandage maakt ze der ieder joar een groot feest van. Kômmende weake is het weer zô veer. Dan barst de Battumse Karmse weer lös. Ie wilt mie toch niet vertellen, daj’ doar nog nooit bint ewest. Het is een anroader veur allemaal uut de wiede umgeving. In Deaventer en Diepenvenne weet ze het wel; “In Battum trekt ze de zunne op”, dus altied mooi weer. De zundagmiddag en moandag de heele dag, is ter vuur oolders en grotoolders met kleine kinder vanalles te doon. Netuurlijk ook vuur de opschöttelingen, ma die redt zichzelf wel. Mochten die zich vervelen, brommers kieken bie den olden toren kan nog altied. De 474 ste Battemse Karmse, ie magt het niet missen. Moch ie nog een idee neudig hebben veur de verkleedpartij van de moandag. Ie kunt altied nog goan als,

Het Zwarte Schoap.