Eign- wieze!

A’s d’r bie ons vrogger ’n koe mos kalven, kwamm  buurn vake helpm. Die kèèr was ’n kalf arg sloom, zie hebt um ‘n  handvol zolt in zien bek edaon. Daor wordn e graag op en begon  te hèweln.*

”Laot wie ma gauw ’n borrel drinkn want ’t kalf lèèft noe nog, zèè de buurman toen. Wie rookte kreeg ok ’n sigare.  Veurig jaor hadde wie ‘n  pasgeboren lakenvelder waor de dierenarts bie mos komm. Geprobèèrd ’t kalf an mooders ‘memme’ te kriegn. Ma meendn iej det hie det wòl. Hie heuld zien kaakn stief opmekare, met ’n lotse op de flesse , keegn ze het ok nit trechte. Iedere kèèr veurzichtig kiekn as of h-j  an ’t lurken was. Volgens de familie dronk h-j nit en pissn en poepm ok nit. A’s ze in ’t hok kwamm en ‘m aanraakn leete zich umme  valn, bleef moes stille in ’t stro liggn en heuld zich dood. ’n Oerolde ingebouwde natuur, er dreigt gevaor! ”Wie weet zeker, det ‘ t gevaornit  van onze kante kwamp.?. H-j is intussen tied uut egreuid tot ’n forse bolle, noe kan ’t gevaor wel ’s van zien kante komm”.

* Proesn en smakkebèkkn