Plan De Brink
Klik hier om de 3D animatie te bekijken

Column het Zwarte Schoap

Respekt

Het weer verandert. Het vuurjoar hangt in de loch. Ie zeet ze weer langs koppeln. Neust de schooljeugd, de fietsers, de racers en de wandelaars. Vuural motoren wilt de gaspiepe nog wal is lös trekken at ze het rechte einne op goat. Het bint neet beeste diet vuur de eerste keer de weide in meugt. Zie loat oe achter in ne loch van benzine. Zo hef een ieder zien plezeer. Doar bint ôk vaste passanten. Alle morgens komt ze langs. Lees verder

Salland-Twenthe

Vanuut de luie stool kon ie het machtig mooi bekieken. Een vol stadion met supporters diet hun ploegie fanatiek aanmoedigden. De ploegen, van ooit Leo Halle en Abe Lenstra, tröffen mekaare an de Vetkampstroate. De nummer eene en de nummer dreie uut de eerste divisie. Lees verder

Een joar der bie

Det oaverkump ons allemoale en doar mag ie dan dankbaar vuur weazen. Eaven de beide kleintjes ophalen uut de schoole. Een half uur later zit e wie gezamenlijk an het gebak met kinderzeute. Ja kinderzeute, het besteet nog, vroag mar is bie de slieterieje. Netuurlijk drinkt opa een glèèske met. Lees verder

De Perskoelers

Zoaterdagmiddag bint wie mar is richting Holten egoane. Neet dat det zo bezunder is, maar ons was ter ore ekommen det er nen carnavalsoptocht was. Dikke trui an, kieltje der oaver, de dasse umme en doar gung het hen. Hoe dichter of wie bie Hoolten kwammen, hoe warmer of het worden. Het kieltje en de dasse waren oaverbodig. Super lekker vuurjoarsweer. Lees verder

Achtbaane

Een betje grieperig begin ie an de wekke. Wat kan een mense toch allemoale beleaven. De temperatuur löp alsmaar op. Ôk de neuze blif lopen. Vieftien groaden, neet te geleuven. Toch as ie in de vrogte noar buuten kiekt lig het ies bevreuren op de weide. Buuten fietst de mensen, volop genietend van de vuurjoarszunne en binnen zit ie te kieken noar het schaatsen. Lees verder

Keunedarp-Pompersgat: 1-2

De echte Battemse supporters waren noar Keunedarp egoane. Het mos gebuuren. Sommigen iets te laate, maar met de brilstand nog op het scorebord, zeet de wedstried verlopen op de verkeerde kante van het veeld. Maar dan, an het einde van de eerste helfte, kump ter ne golf van Pompersgatse aanvallen op het Keunedarper doel. Lees verder

Gen hoolt, gen kollen en gas, gen vleis

Wat zôl ie doon at ze det in ’n Haag zollen verbeeden. As ie de verhalen anheurt, krieg ie het geveul det ze der een paar hen waterdörsen hebt. Loat ik beginnen met het vleis. Wat gebuurt er met al det vleis as det neet meer egetten wordt? De halve wereld hef nog honger. Hoe geet het dan met de melk en al melkprodukten? Zet wie die consumptie ook op een leeger pitje? Lees verder

Verget de veugeltjes neet

Eindelijk is het zo veer. De bloomen stoat hooge vuur de roeten. Het vrus ter lekker op lös. Minder fijn vuur het ongedierte, minder fijn vuur de veugeltjes. Het is machtig mooi winterweer. Het neudigt uut um nen eine te goan wandelen. Alhoewel, as ie noar buuten kiekt, is ter ook genog te zeen. De veugeltjes vleegt of en an um zich te good te doon an zunnebloompitten. Lees verder

Voetnotes

Grieperig in de hoed kwammen wie biej het Kultuurhuus. In vroggere dagen was det café Broakhekke, noe is Broakhekke, het Café. Het veulden drek al vertrouwd. Nog altied denzelfden huusdokter. De grote zaal, nog altied met een machtig mooi groot toneel. Lees verder

Völle geluk in ’t Niejjoar

De leste klanken van de midwinterhoorn starft weg oaver de Menop en de Oerbosdiek, één van de meuiste plekjes van ons Battum. Dezelfde klanken diet op Karsoavond oaver de Hoolterbarg klunken um de jongens te herdenken diet hun leaven lieten veur de vriejheid, woet wie noe al weer bienoa 74 joaren van geniet. Dan op noar de worstepannekooke, of een femilietraditie, diet völle mensen ongetwiefeld hebt. Met de Karsdagen met familie en neuisten genieten van de karsmoaltied. Lees verder