Een klein berichtje in de krante. Gen poasvuur meer in Loo. De regels wordt te streng en de kosten te hôôge. Det de regels strakker wordt valt te begriepen. Det er neet an verdeend wordt, het zal wal, maar Loo zonder poasvuur is as het venne zonder boerendansers. Klik hier voor het hele artikel →

De ofgeloopen daage was het echt zweven. Was het neet deur het carnaval, dan wal um de striemende reagen met keiharde wind. Echt weer um lekker bie de kachel te blieven. Maar veur de carnavalsvierders een weekend um weer völle olde bekenden tegen te kommen. Veur disse carnavallisten was het best spannend. Zollen de optochten wal deur goan? Daags van te veuren was het in Eindhoven al of ebloazen. Klik hier voor het hele artikel →

Noh det kan, in ieder geval, op carnavalsmoandag. Dan is het wier zo veer. Biertapwedstried’n bie de Brink, met as heugtepunt de bekendmaking van de Battemmer van het joar. Wie kump ter in het riegje van Battemmers, diet disse eervolle onderscheiding in het verleden al hebt meugen ontvangen. Nemt de meuite um eaven te kommen kieken bie de residentie van de Battemse Pompers. Het is er altied onmeunig gezellig. Klik hier voor het hele artikel →

Code oranje, loat wie vandaage maar bie huus blieven. Neet de weg op, zo worden der angeroaden. Het zol beesteweer worden. Alle voetbal lag ter al uut. De kinder kwamen ook al op de zundagmorgen in plaatse van ’s middags. Alles wat ook maar weg kon weejen, hadde wie vaste gezet of noar binnen gedoane. Beelden van umgeweijde beume en ofgerukte daken gingen oaver de beeldbuis. Klik hier voor het hele artikel →

Eindelijk, wat hebt wie der lange noar uut gekekken. Half blauwe loch met een waterig zunneke. Een dun leuigje poederschnee lig oaver de kale weidens. Wat zeet de beume der noe toch beteuverend uut. Het is net of ie zo een schilderiejke in stapt. Zô of en touw kump ter nog een vlökske noar beneden. Eaven noar buuten, lekker die frisse loch opsnoeven. Klik hier voor het hele artikel →

Wie hadden al een Wim in de buurte en dan denk ie dat ie, volgens het olde letterplankje, an de buurte bint. Maar nee heur, de buren gungen direkt deur noar Gijs. Helemoal okee, de ooievaar is geplaatst. Det ging niet zonder problemen. Het blek det de kersverse vader hem de veurige keer de nekke al had umme gedreijd. Hij is ter noe hoppenlijk achter, det het één en ander niks met de ooievaar te maken hef. Gelukkig, de kop zit er weer op en iedereene kan zeen det er een nieuwe wereldburger bie is. Klik hier voor het hele artikel →

Eaven noar een lezing in Harfsen oaver Meister Hendrik Willem Heuvel. Disse boerenjonge, geboren op Blauwhand bie Loarne, hef ons het prachtige book, “Oud Achterhoeks Boerenleven” noa geloaten. De Heer Wagenvoorde van de Loarnse Heuvelstichting kon der machtig oaver vertellen. Hij nam ons met noar tieden lang geleden. Klik hier voor het hele artikel →

Het begin van het joar was good te neumen, alleene het weer is één en al triesterigheid. Niks anders as reagen en völs te warm veur de tied van het joar. Een mense zol der zwoarmoedig onder worden. Zo veulen det ook. Het worden alleene maar arger. De wind kwam in één keer uut ne heelen anderen hook. Uut het westen, maar of det noe de oorzaak is, loat wie in het midden. Klik hier voor het hele artikel →

Zo wie hebt mekaar weer Niejjoar of ewunnen. Derk met de Beer hef ons met ruste eloaten. Wie bint de Karsdagen good deur ekommen. Wie hebt ons op Karsoamd te good kunnen doon an de pannekooke, het oaverdoadige vleis, of het vegetarische, met doarbie de neudige drankjes. Alles in oavervlood, ook met teuifeltjesoamd. Olde gebruuken, oolde verhalen, hoolt ze in eere. Klik hier voor het hele artikel →

Kaale bèume, vallende blaa. Verdord, verdrèugd lig ’t biej mekaa.

Ie kiekt er noa, ie hôôlt niks tèèg’n, näns um evroag’n, zô mar ekrèèg’n.

Zô riegt de joar’n zich aneene, met mekaa nog, of alleene.

Ie wordt er mangs verdreetig van. Het is neet ààns, ie möt vedan. Klik hier voor het hele artikel →