Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

Adieu Achterhoek FM

Joarenlang zaten ze an de Wiersserbroekweg in Vorden. Völle mensen lusterden alle dagen noar de muzikale klanken, diet doar vedan kwammen. Zeker onder Loarne, maar ook vanuut Battem, Harfsen, Epse en Gorssel waren de verzoekjes op de zundagmorgen neet van de lôch. Onze senioren geniet, juust in disse tied, van de mooie, mederne en olde muziek.

Programma’s, as “Der Lustige Heinrich” , met bloasmuziek op donderdagoamd en op zundagmorgen, “Bij Dick op de koffie”, met verzeukplaatjes, bint een begrip in de hele regio. Natuurlijk kump ons dialect, in meerdere programma’s, an de beurte. Van de wekke schreven ze, det ze met ingang van 21 mei definitief verhuusd noar het Stadhuus in Lochem. Gelukkig stopt ze der neet met. Loat wie hoppen det ze de dik verdeende ondersteuning,vanuut de politiek,meugt blieven kriegen. Het is allemoal liefdewerk old papier, woet zo völle mensen hun vrieje tied an geeft. Deze mensen verdeent alle steun en waardering . De politiek wil nog wel is achter de feiten an loopen, zodat zaken diet bie het gewone volk leaft, onder de radar blieft. Pas as iets vot is, of noar boaven kump in ne krisus, wordt politici wakker. Dit geldt netuurlijk niet alleene veur Radio Achterhoek FM, maar veur völle andere lokale zenders. Achterhoek FM kan gelukkig veerder onder ne nieje naam, radio Uniek FM. Veerder verandert er niks, dezelfde lèu, dezelfde tied’n en dezelfde golflengtes. Dus op de donderdag gewoon ofstemmen op de der lustige Heinrich, veur prachtige bloasmuziek en veur verzoekplaatjes op de zundagmorgen, bellen met Uniek FM onder nummer 0575-556560. Zie maakt zich ook hard veur het regionale dialect en alleene doarumme al, verdeend zie hun plaatsje in de ether. Vanof de Battemse kante, adieu Achterhoek FM en alle succes veur radio Uniek FM. Wie hopt van oeleu, nog lange onze vertrouwde taal en muziek te meugen heuren.