Lijst Loo

De Verkiezingen bint ewes. Der is in Dèimter neet zo völle veranderd. De man met onmeunig völle vuurkeurstemmen nemt gelukkig zien zetel in. Hij stun op de negende plaatse, maar van Lijst Loo was hij wis en waarachtig de liesttrekker ewes. Doarumme alleen al heurt hij in de Road. Een paar vertrouwde gezichten goat wie missen, allemoale bedankt, het geet oe goed. Wie hebt er vertrouwen in, det de opvolgers deurgoat met een nuchtere kiek op de stad en de umliggende dorpen en good met blieft doon an de politiek. Deaventer, van oolds her een rood bolwerk, is deur alle herindelingen völle kluuriger geworden.Deaventer was al machtig mooi, maar is noe nog völle mooier.

Met Sallands greun gekleurde land, maakt het de stad niet rooier.

De Hanzestad is groot geworden, deur Sallands platteland.

Aj’ begrip hebt veur mekaare, kump ter vanzelf een band.

Het maakt niet uut, wat je bent of doet, met mekaar, dan kump het goed.

Met vertrouwen goat wie, met als grootste partij Gemeentebelang, de kommende vier joaren tegemoet. Och ja en die kleine hobbeltjes, een schooltje of een beumke hier, ne wethoolder of ne Viking doar, altied zal der wel iets gebeuren, woer bie de publieke opinie botst met het gezag. Zo lange as det bie een woordenstrijd blif, is ter niks an de hand en doar hoolt wie het op. Alle partieën, veur de kommende tied, wiesheid en veural völle plezeer bie het moeilijke roadswerk. Wie kiezersvolk blieft oe volgen. Één uutglieder en ie bint an de beurte, want ie weet het, de kiezers hebt altied geliek. In het alle uuterste geval komt wie trugge met Lijst Loo. Iele bint allemoale gewaarschuwd.