Lekker Banden Spel!
Bathmensekrant.nl is een uitgave van Artzet Media en heeft als doelstelling het dagelijks nieuws uit het verspreidingsgebied van de Bathmense Krant te brengen in de vorm van een online krant.

Nog Altied Veur Ons?

Zo of en toe begriep ie der niks meer van. Amerika trek zich trugge uut Syrië. Alles lek röstig. Turkije völt Syrië binnen en honderdduuzenden mensen moet vluchten. Amerikaanse suldoaten wordt beschötten. Amerika is het lillijke dier. Europa zut het an en Nederlàànd wis met het vingertje. Alle pertiën zit in de NAVO. De Koerden bint noe de terroristen, maar die hebt doar wal duuzenden IS-leden vaste zitten. Wat vun spölleke wordt er espölt.Rusland en Syrië lacht zich ne slag in de rondte en wie, gewone starvelingen, kiekt het an. Hoe was het ôk à wier? As ter eene an wordt gevallen, valt ze ons allemoal an. Hebt de Koerden det gedoane? Woerumme hebt wie dan schoolder an schoolder gevöchten met diezelfde mensen. Woerumme deed Turkije toen neet, wat ze noe doot. Het bint allemoal vroagtekens? Het geet ons boaven de pette. Amerika wil niet meer de plietsieman weer veur de hele wereld. Zie goat weer helemoal veur Amerika, gevolgd deur Engeland. An het einde van de moand begint die ook an een niej hoofdstuk, met of zonder regeling. Het is een spannende tied. In Nederland bint de boeren het lillijke dier. Het milieu steet onder druk. Wie scheet nog vuur miljarden de lôch in. Wie blieft nog alle kanten uut vleegen. Ja, doar kump statiegeeld op plastic en blik. Het zal helpen veur den speeldenknop op de wereldkaarte, maar het zweer ettert veerder bie de grenze. Netuurlijk alle betjes helpt, maar as de grote jongens neet met doot, is het weg gegooid geld. Loat wie hoppen det de jongens van de NAVO de klokke zo gauw meugelijk wier lieke hebt hangen. Het kan neet zo weazen det, as terzich eene trugge trekt, de andere dan maar zo een oorlog kan beginnen tegen mensen diet schoolder an schoolder mee hebt gevochten tegen IS. Is det NAVO?