Plan De Brink
Klik hier om de 3D animatie te bekijken

Oranje Leeuwinnen

Onze deerns bie de leste viere. Zie goat veur gold, zilver of brons. Heel Battum en Deaventer kluurt noe toch wal Oranje? As det neet zo is, wordt het tied det de dames het initiatief nemt. Het is noe al een topprestatie. Bie de leste viere van de wereld en zie meugt noar de OlympischeSpelen. Doar wordt geschiedenis geschreven.Hoe völle kleine mèikes wilt noe later al gen Miedema, Lieke Martens of Beerensteyn worden. Netuurlijk goat de dames straks deur de grachten van Amsterdam. Wat een wille, maar eerst nog eaven Zweden en dan veur gold of zilver. Grote Klasse en het genieten geet vedan, want vanof volgende wekke doot wie netuurlijk allemoale met in de Battemse toerkwis. Wie wordt er de winnaar van de grootste wielerrronde van de wereld. Froome of Dumoulin? Tour de France, verdeept er oe mar eens in en ie zult zeen det het allemoale nog neet zo simpel is. De echte leefhebbers zeet ie ook in de veurspelling van de Stentor. Het breg mie terugge noar de veurspellingen diet wie deden, begin joaren tachtig, in de tied det alles nog handmatig mos worden ingestuurd. Samen met mien moat haalden wie de kranten op bie de buren en vulden viefentwintig formulieren met mekaar in. An het eind van de tour zaten wie met een man of zesse in de top tiene van de Stentor. Wie werden allemoale uutgeneudigd bie de drukkerieje in Deaventer um de pries in ontvangst te nemmen. Eeuwige roem was ons deel en het tour de France virus is nooit wier weg gegoane. Makkelijk is het neet, ie magt bie de Battemse kwis al blie weer as ie bie de eerste vieftig zit. Neet vergetten oe fornulier in te sturen noar tourdebattum@gmail.com Allemoale völle wille met de voetbal en de Tour.